23 лістапада ў межах гадзіны літаратуры «Люблю я пачытаць на роднай мове», якую праводзіць раённая дзіцячая бібліятэка, пісьменніца Настасся Нарэйка сустрэлася з 8-класнікамі.

Аўтарка прапанавала ўвазе школьнікаў сваю навагоднюю казку «Анёл, які ледзь не застаўся без крылаў».

Гэта павучальная гісторыя, будзем спадзявацца, навучыла слухачоў дабрыні, чуласці і веры з цуды, якія атачаюць нас кожны дзень, — варта толькі іх заўважыць.

Вучні ахвотна задавалі пісьменніцы пытанні, і сустрэча напрыканцы сама сабою пераўтварвлася ў дыялог.

А супрацоўнікі бібліятэкі, дарэчы, падрыхтавалі да мерапрыемства невялікую выставу, што складалася з кніг, у якія ўвайшлі творы госці, і нядаўніх яе публікацый у штотыднёвіку «Літаратура і мастацтва».