У рамках Тыдня беларускай мовы «Родная мова – мой выток, мая аснова» ў Камянецкай цэнтральнай раённай бібліятэцы для вучняў 10 класа арганізавана літаратурная гадзіна «Я крочу па часе, нібы па вадзе».

На мерапрыемства была запрошана член Саюза пісьменнікаў Беларусі, адказны сакратар раённай газеты Настасся Нарэйка. Пісьменніца апавядала пра сябе і свой шлях да творчасці, падрабязней пазнаёміла са сваім зборнікам паэзіі «Магдэбургскае права маёй душы» і іншымі творамі, якія зачароўваюць неверагоднай прыгажосцю беларускай мовы.

Бліжэй пазнаёміцца з творчасцю таленавітай сучасніцы прысутныя маглі каля выставы «Настасся Нарэйка, такая як ёсць».